செயலாளர் உரை

216 வது மாத உழவாரப்ணி வருகின்ற 26-01-2020, ஞாயிற்றுக்கிழமை காலை 7.00 மணிமுதல் நமது சபையின் பூந்தமல்லி வட்டம், அயனம்பாக்கத்தில், அமைந்துள்ள அருள்மிகு கற்பகம்பாள் உடனுறை எட்டீஸ்வரர் திருக்கோவில் மற்றும் ஸ்ரீ வரதராஜ பெருமாள் திருக்கோவிலில் சுற்றுப்பிரகாரம், செடி, கொடிகளை, அகற்றி சுத்தம் செய்து வெள்ளை அடித்தல், உள்பிரகாரம், சுவாமி வாகனங்களை சுத்தம் செய்தல், சுவாமி வஸ்திரங்களை சுத்தம் செய்தல், பூஜை பொருட்கள் துலக்குதல் மற்றும் குளம் சுத்தம் செய்தல் போன்ற பணிகள் நடைபெற உள்ளதால் சிவனடியார்கள்,  அன்பர்கள் அனைவரும் குறித்த நேரத்தில் கலந்து கொண்டு இறைவனின் திருவருள் பெற்று பேரின்பம் பெற வேண்டுகிறோம்.
​​  

கூட்டு பிரார்த்தனை: மாலை 4 மணி

சிவ வேணுகோபால்

சிறந்த நோக்கத்தோடு ஒன்றிணைந்து நம் செயலாற்றி வரும் இந்த உழவாரப்பணியானது 18 ஆம் ஆண்டில் அடி எடுத்து வைத்திருக்கிறது. பக்க பலமாக இருந்து செயலாற்றிய சிவனடியார்களுக்கும் பிற தொண்டர்களுக்கும் நன்றியை தெரிவித்து கொள்கிறேன். இந்த பிறவியில் தொண்டு செய்யும் பாக்கியத்தை கொடுத்த ஈசன் அடி பணிந்து நமது பணி மேலும் வளர ஒன்றிணைந்து செயல் படுவோம். 

தலைவர் உரை

நம்முடய சைவ வைஷ்ணவ  கோவில்கள் அரசர்களால்
கட்டப்பட்டு அவர்கள் காலம்  முழுவதும் பேணி 
காக்கப்பட்டது. இப்பொழுது நம் காலத்திலும் இந்த கோவில்கள் பேணி காக்கப்பட்டு மக்களுக்கு பயன் பட வேண்டுமென்ற சீரிய நோக்குடன், அப்பர் பெருமான் காட்டிய வழியில் சிவ ஸ்ரீ திரு கிருஷ்ணமூர்த்தி அய்யா 
அவர்களால்  இந்த அமைப்பு ஆரம்பிக்கப்பட்டது.

அறக்கட்டளை பதிவு எண்:  183/2015

பதிவு செய்யப்பட்ட அறக்கட்டளை பெயர்:   நமசிவாய உழவாரப்படை சாரிடபல் ட்ரஸ்ட்

நிறுவனர்: சிவ ஸ்ரீ திரு கிருஷ்ணமூர்த்தி ஐயா

முகவரி: எண் 3/2, சிதம்பரனார் தெரு இரமணா நகர், பெரம்பூர், சென்னை 600011

சிவ வீரமுத்து

ஆன்மீக உணர்வோடு நமது சபையின் சீரிய உழவார தொண்டானது 17 வருடங்கள் கடந்து 18 வது வருடத்தில் அடி எடுத்து வைத்திருக்கிறது. தவத்திரு கிருஷ்ணமூர்த்தி அய்யா, அப்பர் போன்ற பெரியவர் காட்டிய வழியிலே சீரும் சிறப்பாகவும் கண்ணும் கருத்தாகவும் எடுத்துக்கொண்டு அர்ப்பணிப்புடன் செயலாற்றி வரும் நமது சிவனடியார்களுக்கு நன்றிகளையும் வணக்கத்தையும் தெரிவித்து கொள்கிறேன். இத்தகைய வாய்ப்பினை நமக்கு அருளிய மகேசன் பாதம் பணிந்து மேன்மேலும் இந்த தொண்டு தொடர வேண்டும் என உள்ளன்புடன் வேண்டி கொள்கிறேன் 

​

அன்னம் பாலிப்பு:   
சிவஸ்ரீ ராஜலட்சுமி குடும்பத்தினர்கள்.

தங்கள் பேரன்பு மிக்க உதவிக்கு நாங்கள் தலை வணங்குகிறோம். சிவ! சிவ!!

உழவார தொண்டு பற்றி

அறக்கட்டளை விவரம்

மேலும் படிக்க